ليا كتير مش بكتب ، او بمعنى اصح مش الطبيعي اننا اكتب في البلوج ، لكن النهارده سمعت حاجة صدمتني في برنامج الحقيقة على المحور والعهدة على معد البرنامج .
البرنامج بيتكلم على حيثيات الحكم في قضية برائة مالك العبارة السلام 98 - ممدوح اسماعيل - .
- مش هتكلم على التناقضات اللي ذكروا انها موجودة في الحكم - ما انا مش بفهم في القانون .
- مش هتكلم على اقوال الشهود اللي استندوا عليها في الحكم رغم انها كانت بتقول العكس وبتقول عكس ما اتقال في حيثيات الحكم - علشان برضو يمكن مش بفهم كويس .
لكن في حاجة مينفعش متكلمش فيها - علشان انا مجرد بني آدم عادي - ، بيقولوا ان المحكمة استندت في حكمها بالبرائة على ان التقرير الطبي اثبت ان الوفيات لم تنتج عن الغرق ...
اومال ؟ هل فعلاً زي ما واحد بيتريق في البرامج وبيقول عدت عليهم عربية في المية خبطتهم وموتتهم ؟
لا بيقولك في الحكم اسوأ من كده ، بيقولك أن التقرير الطبي اثبت ان اغلب الوفيات نتجت عن اجهاد عام أو كدمات أو حروق !!!
مش قادر اعلق ، يعني ايه ؟
يعني ارميهم في المية ليوم او اقل او اكتر واقلهم ، لا متموتوش من الاجهاد ، واوعوا تموتوا من سمك القرش ، واياكم اي حاجة من السفينة تخبط فيكم ، ولو السفينة ولعت اوعوا تتحرقوا ، خلكوا بالكوا من نفسكوا علشان متطلعوش انتوا المذنبين في الآخر وانتوا الغلطانين .
اده هما مسمعوش اقوال الشهود اللي شافوا ناس بيآكلها سمك القرش ؟
آه فعلاً ، سمك القرش مش الغرق انت مش واخد بالك ولا ايه ، هما الغلطانين ليه يخلوا سمك القرش يآكلهم .
يعني ايه ، ممكن حد يفهمني علشان انا مش فاهم !!!
posted by Ahmed Gamal @ 8:37 PM,
6 Comments:
-
At August 2, 2008 at 9:14 PM,
نورهان عادل said...
-
بسم الله الرحمن الرحيم
{وَلا تَحْسَبَنَّ اللَّهَ غَافِلاً عَمَّا يَعْمَلُ
الظَّالِمُونَ، إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ}.
صدق الله العظيم.
واللى يحب يشوف تفاصيل اكتر عن الموضوع ممكن من هنا
http://www.boswtol.com/5gadd/nsahsah_206_024.html
و تقريبا انت مش لازم تفهم كتير لان مش كويس
لكن فضفض بس و طلع اللى جواك
-
At August 2, 2008 at 9:28 PM,
Mohamed Gamal El-Din said...
-
ya a7med, samk el 2ersh howa el kal el nas , eih zanb sa7eb el 3abara !!!
ro7 5od 7a2k men samk el 2ersh ya a5i :D:D:D
we matensash el aya deh >>
بسم الله الرحمن الرحيم
ولو شاء ربك ما فعلوه
-
At August 2, 2008 at 11:19 PM,
Ahmed Mubarak said...
-
الضحايا الي ماتوا .. كان وجع قلبنا مش زي وجع قلبنا دلوقتي .. الضحايا ماتوا تاني
اللهم لا تسلط علينا بذنوبنا من لايخافك ولا يرحمنا
-
At August 4, 2008 at 7:41 PM,
عبدالرحمن said...
-
يا أحمد ياجمال بلاش كلام في السياسة
يعني انت هتفهم أكتر منهم يعني؟
وبعدين هما أعلنوا الحيثيات دي عشان الناس تفهم وتتنور
لما تكون راكب في سفينة والسفينة هتغرق يبقى ياتموت غرقان وتاخد حقك بعد ماتموت ،يامتفكرش في حاجة للورثة بتوعك
أما ناس صحيح فهمها على قدها
وتحيا النزاهة
-
At August 5, 2008 at 10:34 PM,
أحمد عماد said...
-
عادي دا نظام البلد
ما انتا عسكري في الجيش وعارف
الجيش مثلا ما بيوفرلكش وسيلة مواصلات تروح بيتك ولو اتمسكت ماشي في الشارع تتاخد بتهمة الترجل
والجيش ما بيوزعش اطباق طايرة على العساكر
يبقى مطلوب يروحوا ازاي ؟؟؟؟؟؟؟؟
منظومة معقدة ولو فكرت فيها هتتعب
هيا دي مصر
انه يوصلك لحافة الجنون وبعدين يطالبك إنك ما تتجننش
أشعر احيانا ان الناس دي حتى مش عايزانا نتعذب براحتنا
ربنا يلطف بينا جميعا
-
At August 5, 2008 at 11:47 PM,
Ahmed Essawy said...
-
هذه بلاد لم تعد كبلادي
<< Home